Alcohol-Abuse-and-Alcoholism.png

குடிப்பழக்கம்

ஒருவர் மதுப்பழக்கத்துக்கு அடிமையாகி உடல் மற்றும் உள பிரச்சினைகளுக்கு ஆளான பின்னும் தொடர்ந்து மது அருந்தி வருவதே குடிப்பழக்கம் என்று அழைக்கப்படுகிறது. ஒருவரின் குடிப்பழக்கவழக்கம் (குடிப்பது அல்ல) பிரச்சினைகளைத் தருமானால் அது தவறான மதுப்பழக்கம் என்று கூறப்படும்.

இப்பிரச்சினைகள், மது நஞ்சாதல், கல்லீரல்நோய், பணிசெய்ய இயலாமை, சமூகத்தோடு கூடிவாழ முடியாமை, தீங்கான பழக்கவழக்கம் (வன்முறை, காலித்தனம்) போன்ற பல தீமைதரும் உடல், உள, சமூகப்பொருளாதாரப் பாதிப்புகளுக்கு வழிகோலும்.

இது பாலினம் சார்ந்த (gender related) நோய் அல்ல.


குறிப்புகள்: http://www.cdc.gov/alcohol/faqs.htm
http://www.nhs.uk/conditions/alcohol-misuse/Pages/Introduction.aspx
http://www.nlm.nih.gov/medlineplus/ency/article/000944.htm
http://www.nlm.nih.gov/medlineplus/alcoholism.html
http://ebook.ijcpgroup.com/e-hcfi/mental/hcfi/index.html

குடிப்பழக்கத்திற்கும் தவறான குடிப்பழக்க வழக்கத்திற்கும் ஆளானவர்கள்:

  • குடிபழக்கத்தால் ஏற்படும் தீமைகளை அறிந்தபின்னும் தொடர்ந்து குடிப்பார்கள்
  • தனியாகக் குடிப்பார்கள்
  • குடிப்பதைக் குறித்து கேட்டால் பகைமை பாராட்டுவார்கள்
  • குடிப்பதைக் கட்டுப்படுத்த முடியாது
  • குடிப்பதற்கு சமாதானம் கூறுவார்கள்
  • பணியைக், கல்வியைப் புறக்கணிப்பார்கள் அல்லது குடிப்பதால் செயல்திறன் குறையும்
  • மதுவின் காரணத்தால் செயல்பாடுகளில் பங்கேற்க மாட்டார்கள்
  • பெரும்பாலான நாட்களைக் கடத்தவே மது அருந்த வேண்டிய நிலை ஏற்படும்
  • குடிப்பதை யாராவது தடுக்க முனைந்தால் வெறியடைவார்கள்

மேலும் உடல் பிரச்சினைகளும் உருவாகும். குடிகாரர்கள் தொல்லைதரும் மனம் இருளாதல் என்னும்  நினைவாற்றல் இழப்பால் பாதிக்கப்படுவார்கள். கல்லீரலில் எரிச்சலும் உணவுமண்டலத்தில் அழற்சியும் ஏற்படுவதால் குடிகாரர்களால் குறைவாகவே உண்ண முடியும். இதனால் நெஞ்செரிச்சலும் குமட்டலும் உண்டாகும்.
எச்சரிக்கும் அடையாளங்கள் பேச்சுக்குழறலும் மதுநெடியும் ஆகும்.
முன்கோபம், எரிச்சல், அமைதியிழத்தல் ஆகியவை குடிகாரர்கள் குடிக்காவிடில் ஏற்படும் நோயறிகுறிகளாகும்.


குறிப்புகள்:

http://www.nlm.nih.gov/medlineplus/ency/article/000944.htm
http://ebook.ijcpgroup.com/e-hcfi/mental/hcfi/index.html

மருத்துவர், உடல் பரிசோதனை செய்து நோயாளியின் மருத்துவ, குடும்ப வரலாறு, மதுபயன்படுத்துதல் ஆகியவற்றைப் பற்றி கேட்பார்.

ஒருவர் குடிபழக்கத்துக்கு அடிமையானவரா இல்லையா என்பதைக் கண்டறியும் சோதனைகள்:

  • இரத்தத்தில் இருக்கும் மதுவின் அளவு
  • முழு இரத்த எண்ணிக்கை
  • கல்லீரல் செயல்பாடு சோதனை
  • மக்னீசியம் இரத்த சோதனை

குறிப்புகள்: http://www.nlm.nih.gov/medlineplus/ency/article/000944.htm

ஒருவர் எந்த அளவுக்குக் குடிக்கிறார் என்பதைப் பொறுத்தே சிகிச்சை அளிக்க முடியும். மேலும் செய்யக்கூடிய மருத்துவம் வருமாறு:

  • குடியை நிறுத்த வைத்தல் –– ஒருவர் பாதுகாப்பான முறையில் குடியை நிறுத்த மருத்துவரோ அல்லது மருத்துவப் பணியாளரோ உதவிசெய்தல். மருந்துகளின் மூலமாகவோ அல்லது படிப்படியாகவோ சிறிது சிறிதாக மதுவின் அளவைக் குறைக்க உதவுதல். இதன் மூலம் குடியை விடும்போது ஏற்படும் பிரச்சினைகள் குறைக்கப்படும்.
  • ஆலோசனை –– இதில் சுய உதவிக் குழுக்களும் புலனுணர்வுசார் நடத்தை சிகிச்சை (cognitive behavioral therapy (CBT) போன்ற முறைகளும் இடம்பெறும்.
  • மருந்து –– ஒருவர் குடியை விட இரண்டு முக்கிய வகையான மருந்துகள் உண்டு.  முதலாவது, குடியை விடும்போது எழும் பிரச்சினைகளைக் குறைப்பதற்காக. இது குறைந்த காலத்திற்கு படிப்படியாக அளவு குறைக்கப்பட்டு கொடுக்கப்படும்.

இம்முறையில் பரவலாகப் பயன்படுத்தப்படும் மருந்து குளோடியாசாப்பாக்சைட் (லிப்ரியம்) [chlodiazapoxide (Librium)]. இரண்டாவது மருந்து குடிக்க வேண்டிய உந்துதலைத் தடுப்பதாகும். இதற்குப் பரவலாக பயன்படுத்தப் படுவது அகேம்ப்ரோசேட்டும் (acamprosate) நல்டிரக்சோனும் (naltrexone) ஆகும். இவை குறிப்பிட்ட அளவில் பொதுவாக 6-12 மாதங்களுக்குத் தரப்படும்.

குறிப்புகள்: http://www.nhs.uk/conditions/alcohol-misuse/Pages/Introduction.aspx

  • PUBLISHED DATE : May 19, 2015
  • PUBLISHED BY : NHP CC DC
  • CREATED / VALIDATED BY : NHP Admin
  • LAST UPDATED ON : Jun 03, 2015

Discussion

Write your comments

This question is for preventing automated spam submissions
The content on this page has been supervised by the Nodal Officer, Project Director and Assistant Director (Medical) of Centre for Health Informatics. Relevant references are cited on each page.